يمر العمر بـي غربـة ولا حـدٍ يواسينـي
وربي ما وفا معي بدربـي غيـر دمعاتـي
تمنيتك وطن عمـري وكلـك بيـت يلفينـي
أثاريه أصبح المنفى وماتـت فيـه عبراتـي
سـرابٍ مـر بعيونـي تخيلتـه يناديـنـي
عطشت ومالقيت الماء ولااشرب غير حسراتي
أعض أصابعي من الندم وأصرخ ليتـك تجينـي
تشوف بحالي وش سوا حبك الساكن بذاتـي
أحبـك ليـه تجرحنـي ولاتفكـر تداوينـي
وليه تحب تعذيبي ويريحك صـوت وناتـي
أنـا والله حبيتـك بقلبـي وكـل مـا فينـي
وتمنيتـك تبادلنـي دموعـي وابتسامـاتـي
تمنيتك تحس بشوقي وتقرا اللي وسط عينـي
تمنيتـك تحـس فينـي يـا سبـة معاناتـي
تمـر أيـام تنسانـي أقـول اليـوم بتجينـي
وكل ما طوّل غيابـك تزيـد بقلبـي آهاتـي
وأخلق لجلـك الأعـذار أسامـح يامعنينـي
وأكابر وامسح دموعـي أصبرهـا بكلماتـي
ألملم بعدك شتاتي وأداوي جرحـي بيدينـي
وأحط الملح بجروحي وأنت تزيـد طعناتـي
ما فاد الرجا وياك خسارة ضاعـت سنينـي
موضوع: احبك ليييييييييييييييييييييييييه تجرحني 
الجمعة مايو 15, 2009 3:37 am
